【學會享受學習】
認真思考香港嘅教育制度同社會風氣，唔難發現，讀大學「要張砂紙」就算，學習為左考試，考試為左畢業，畢業為左搵工。
你上一次對學習感到興趣，係幾時？
第一次令我對學習產生興趣，令我想繼續「讀落去」，居然係喺交流嘅時候，跟一個澳籍教授讀 International political economy。因為個老師教法真係好唔一樣，令我茅塞頓開，認真思考繼續「讀落去」嘅可能。
有啲人好早開竅，亦有人好似我咁，比較遲先醒覺。
以前讀書，是為左入好大學，搵份好工。後來讀書，是為左增長知識。然後你會發現，每一次學到新知識，會好開心，好興奮（當然要考試時就冇咁開心......）
再大個一啲，發覺外國都講求類似嘅思維，叫 growth mentality。
閱歷再多一啲嘅時候，發現公司高層（尤其大公司啲高層其實過三五年就會另一間做高層，來來去去都係同一類人），非常好學，經常學習新知識。
所謂「學習」唔一定要去讀多一個學位，其實是一個心態。
有心學習嘅人，無論咩環境，都會搵到機會吸收新知識，改善自己。反之亦然。
希望大家，可以學會享受學習，不斷增值；做一個能以自己方法貢獻社會、幫助他人嘅人。
#移民 #移民歐洲 #移民荷蘭 #荷蘭 #西歐 #出國 #留學 #歐洲讀書 #歐洲工作 #歐洲生活 #荷蘭公司 #歐洲公司 #荷蘭生活知多啲 #香港人在荷蘭 #香港人在歐洲 #香港人加油 #搵工 #獎學金 #留學生 #海外留學 #成長 #學習
Search